134 పరుగులకే ఆలౌట్​

చెన్నై: చెపాక్​లో భారత్​ ఆధిపత్యం కొనసాగుతోంది. ఇంగ్లాండ్​ తో సెకండ్​ టెస్టులో ఫస్ట్​ బ్యాట్​తో విజృంభించిన టీమిండియా ఇప్పుడు బంతితోనూ ప్రత్యర్థిని తిప్పేసింది. స్పిన్​కు సహకరిస్తున్న పిచ్​పై ఇంగ్లాండ్​ జట్టును 150 రన్స్ లోపే చుట్టేసింది. టీమిండియా స్పిన్​ బౌలింగ్​ ఎదుర్కోవడంలో తడబడిన ఇంగ్లాండ్​ జట్టు కొద్ది స్కోరుకే పరిమితమైంది. సెకండ్​ డే ఆటలోనూ కోహ్లీసేన పైచేయి సాధించింది.

టీమిండియా సీనియర్​ స్పిన్నర్​ రవిచంద్రన్​ అశ్విన్(5/43) తన మాయాజాలాన్ని ప్రదర్శించి ఇంగ్లాండ్​ పతనాన్ని శాసించాడు. ఇషాంత్ శర్మ(2/22), అక్షర్​ పటేల్​(2/40)కట్టుదిట్టంగా బంతులేయడంతో మొదటి ఇన్నింగ్స్​లో ఇంగ్లాండ్​ 59.5 ఓవర్లలో 134 రన్స్కే ఆలౌటైంది. ఇంగ్లాండ్​ ఇంకా 195 రన్స్ వెనుకబడి ఉంది.

బెన్​ఫోక్స్ ​(42 నాటౌట్​ : 107 బంతుల్లో 4 ఫోర్లు) టాప్​స్కోర్. రోరీ బర్న్స్(0), డొమినిక్​ సిబ్లే (16), డేనియల్​ లారెన్స్ (9), జోరూట్​ (6), బెన్ స్టోక్స్(18), ఓలీ పోప్​ (22), మెయిన్​ అలీ(6), ఆతిథ్య బౌలర్ల దెబ్బకు పెవిలియన్​కు వరుస కట్టారు. అంతకుముందు మొదటి ఇన్నింగ్స్​లో టీమిండియా 329 రన్స్​కు ఆలౌటైంది.