మేడారంలో కరోనా కలకలం

ములుగు జిల్లా : తెలంగాణలో కరోనా పాజిటివ్ కేసులు మళ్లీ నమోదవుతుండంతో ప్రజలు బెంబేలెత్తుతున్నారు. ఇక లక్షలాది మంది భక్తులు తరలివచ్చే మినీ మేడారం జాతరలో మేడారంలో కరోనా కలకలం రేగింది.మేడారం మినీ జాతరలో పాల్గొన్న దేవాదాయ శాఖ సిబ్బందికి కరోనా పాజిటివ్‌గా నిర్ధారణ కావడంతో ఆందోళన కలిగిస్తోంది. జాతరలో విధులు నిర్వహిస్తున్న ముగ్గురు ఉద్యోగులకు కరోనా పాజిటివ్‌గా తేలింది. ములుగు జిల్లా వైద్యారోగ్య శాఖాధికారి అప్పయ్య ఉద్యోగులకు కరోనా సోకినట్లు నిర్ధారించారు. దీంతో అధికారులు, జాతరకు విచ్చేసిన భక్తులు ఆందోళనలో ఉన్నారు.

ads

ఇటీవల కరీంనగర్, వరంగల్ జిల్లాలోనూ కరోనా కేసులు వెలుగుచూశాయి. వరంగల్‌లో పాఠశాల విద్యార్థులకు కరోనా వైరస్ సోకడంతో క్వారంటైన్‌కి తరలించారు. సిద్దిపేట జిల్లా కొండపాక పాఠశాల టీచర్‌కి కరోనా రావడంతో విద్యార్థులకు పరీక్షలు నిర్వహించారు. తాజాగా మేడారంలో కరోనా కేసులు వెలుగుచూడడం కలకలం రేపుతోంది.