డబ్ల్యూటీసీ ఫైనల్ ఎక్కడో తెలుసా..?

ముంబై : ఇండియా, న్యూజీలాండ్ మధ్య జరుగనున్న వరల్డ్ టెస్ట్ చాంపియన్‎షిప్ (డబ్ల్యూటీసీ) ఫైనల్‎కు లార్డ్స్ మైదానం ఆతిథ్యమివ్వడం లేదు. ఈ మ్యాచ్ సౌథాంప్టన్ లో జరుగనున్నట్లు బీసీసీఐ అధ్యక్షుడు సౌరవ్ గంగూలీ వెల్లడించారు. నిజానికి దీనిపై ఐసీసీ నుంచి అధికారికంగా ఎలాంటి సమాచారం లేకపోయినా గంగూలీ మాత్రం సౌథాంప్టనే అని తేల్చేశారు. లండన్‎లో పెరిగిపోతున్న కరోనా కేసుల కారణంగానే వేదికను లార్డ్స్ నుంచి సౌథాంప్టన్‎కు తరలించారు. ఇండియా, న్యూజీలాండ్ మధ్య సౌథాంప్టన్‎లో జరుగబోయే ఫైనల్ మ్యాచ్‎కు వెళ్లాలని అనుకుంటున్నా అని ఇండయా టుడేతో గంగూలీ చెప్పాడు.

ads

ఈ ఫైనల్ వన్డే వరల్డ్‎కప్‎కు ఉన్నంత విలువ ఉంటుందా అని ప్రశ్నించగా, ప్రతీ ట్రోఫీకి దానికి ఉండాల్సిన విలువ ఉంటుంది. వన్డే వరల్డ్ కప్ అద్భుతమైనది. కరోనా మహమ్మారి కారణంగా ఈ సారి డబ్ల్యీసీ క్లిష్టంగా మారింది. ప్రతీ టీం సమానమైన మ్యాచ్‎లు ఆడినప్పుడు చూడండి అని గంగూలీ అన్నారు. ఐపీఎల్ నుంచి 6 నెలల పాటు బయో బబుల్‎లో ఉన్నా ప్లేయర్స్ సాధించిన ఘనత అద్భుతమని గంగూలీ కొనియాడారు. ఫైనల్లో న్యూజీలాండ్‎పైనా గెలుస్తామన్న ఆశాభావం వ్యక్తం చేశారు.