బాంబు బెదిరింపు కలకలం

పశ్చిమ గోదావరి జిల్లా : నిడదవోలులో బాంబు బెదిరింపు ఫోన్​ కాల్​ కలకలం సృష్టించింది.
తహసీల్దార్ ఆఫీసు, సబ్ రిజిస్ట్రార్ కార్యాలయాల్లో బాంబు పెట్టామని ఆగంతకుడు ఫోన్​ చేశాడు. వెంటనే అప్రమత్తమైన ఆ రెండు కార్యాలయాల సిబ్బంది పోలీసులకు సమాచారం అందించారు. అక్కడకు చేరుకున్న పోలీసులు కార్యాలయాల్లోని సిబ్బందిని బయటకు పంపారు. అనంతరం తనిఖీలు నిర్వహించగా ఎటువంటి బాంబు కనిపించలేదు. దీంతో ముందు జాగ్రత్తగా పోలీసులు బాంబు స్క్వాడ్​ను రప్పిస్తున్నారు. కార్యాలయాల చుట్టు పక్కల ప్రాంతాలను ఖాళీ చేయించారు. అయితే బాంబు పెట్టినట్లుగా ఆగంతకుడు నేరుగా పోలీసులకే ఫోన్​ చేయడం విశేషం.