నవీన్​ చంద్ర కొత్త చిత్రం స్టార్ట్​

నవీన్ చంద్ర హీరోగా సర్వంత్​ రామ్ క్రియేషన్స్ ప్రొడక్షన్ నెంబర్ 9 చిత్రం పూజా కార్యక్రమాలతో ప్రారంభంహైదరాబాద్​ : సర్వంత్​ రామ్ క్రియేషన్స్ ప్రొడక్షన్ నెంబర్ 9 చిత్రం గురువారం పూజా కార్యక్రమాలతో ప్రారంభమైంది. నవీన్ చంద్ర హీరోగా నటిస్తున్న ఈ మూవీలో సీనియర్ నటి మధుబాల ఓ పవర్ ఫుల్ పాత్రలో నటిస్తోంది. ఈ చిత్ర ప్రారంభోత్సవంలో ప్రముఖ నిర్మాత సీ కళ్యాణ్ క్లాప్ కొట్టగా.. మూవీ స్క్రిప్ట్‌ను సీనియర్ రచయిత పరుచూరి గోపాలకృష్ణ చిత్ర యూనిట్‌కు అందచేశారు. రాశి మూవీస్ అధినేత నరసింహారావు కెమెరా స్విచ్ఛాన్ చేయగా చిత్ర దర్శకుడు అరవింద్ మొదటి షాట్‌కు యాక్షన్​ చెప్పారు.

‘అరవింద్‌ చెప్పిన ఈ థ్రిల్లర్ నాకు బాగా నచ్చింది. మధుబాలతో నటించడం అదృష్టంగా భావిస్తున్నాను. ఒక మంచి థ్రిల్లర్‌లో నటిస్తున్నందుకు సంతోషంగా ఉంది. సర్వంత్​ రామ్ క్రియేషన్స్‌లో రాబోతున్న మరో మంచి సినిమా ఇది. మరిన్ని మంచి చిత్రాల్లో నటించడానికి మీ అందరి బ్లెస్సింగ్స్ కావాలి.’అని తెలిపారు హీరో నవీన్​చంద్ర.

‘ ఈ సినిమాలో భాగమైనందుకు సంతోషంగా ఉంది. డైరెక్టర్ అరవింద్ నా పాత్ర గురించి చెప్పినప్పుడు చాలా ఎగ్జయిట్ అయ్యాను. ఈ సినిమాలో డీజీపీగా పవర్ ఫుల్ పోలీస్‌ ఆఫీసర్‌గా కనిపిస్తాను. చాలా కాలం తరువాత మంచి కథతో తెలుగులో సినిమా చేస్తున్నందుకు చాలా ఆనందంగా ఉంది’ అన్నారు సీనియర్​ నటి మధుబాల.

‘ఈ పాత్రకు నన్ను సెలక్ట్ చేసినందుకు సర్వంత్​ రామ్ క్రియేషన్స్‌ నిర్మాతకు, దర్శకుడికి ధన్యవాదాలు. మధుబాలతో నటించడం ఇట్స్ మై డ్రీమ్. సినిమా బ్యానర్ లాగే కథ చాలా డిఫరెంట్‌గా ఉంటుంది. ఈ సినిమా అందరికి నచ్చుతుందని అనుకుంటున్నాను.’ అని అన్నారు హీరోయిన్​ స్మృతి వెంకట్​.

‘సర్వంత్​ రామ్ క్రియేషన్స్‌లో సినిమా చేయడం సంతోషంగా ఉంది. మధుబాల ఈ మూవీలో చాలా కీలక పాత్రలో నటిస్తున్నారు. నవీన్ చంద్ర మా స్క్రిప్ట్ నచ్చి ఈ మూవీ ఒప్పుకున్నారు. నిర్మాత నాపై నమ్మకం ఉంచినందుకు ఆయనకు ప్రత్యేక ధన్యవాదాలు. అందరినీ అలరించే విధంగా ఈ సినిమా ఉంటుంది.’ అన్నారు డైరెక్టర్​ అరవింద్​.

‘ఈ కథ విని వెంటనే నవీన్ చంద్ర ఒప్పుకున్నారు. ఆయన నిర్మాతల హీరో అని చెప్పుకోవచ్చు. డైరెక్టర్ అరవింద్‌ మంచి థ్రిల్లింగ్ ఎలిమెంట్స్‌తో ఈ కథను రాసుకున్నారు. మధుబాల ఈ సినిమాలో నటించడం మరో పెద్ద ఎస్సెట్. ఫిబ్రవరి నుంచి చెన్నైలో షూటింగ్ ప్రారంభించి హైదరాబాద్‌లో ఎండ్ చేస్తాము. ఒకే షెడ్యూల్‌లో సినిమాను అనుకున్న టైమ్‌లో పూర్తి చెయ్యడానికి ప్లాన్ చేశాము. ఈ సినిమాకు జిబ్రాన్ సంగీతం మరో హైలెట్ కానుంది’ అని అన్నారు నిర్మాత రామాంజనేయులు జవ్వాజి.

నటీనటులు:
నవీన్ చంద్ర, స్మృతి వెంకట్ హీరోహీరోయిన్లుగా నటిస్తోన్న ఈ చిత్రంలో మధుబాల, రఘుబాబు, అచ్యుత్ కుమార్, సత్యం రాజేష్, మీమీ గోపి, పూజా రామచంద్రన్, సుదర్శన్, నవీన రెడ్డి, సిరి శ్రీ, ఆదర్శ్ ఇతర పాత్రలలో నటిస్తున్నారు.

సాంకేతిక నిపుణులు:
బ్యానర్ : సర్వంత్​ రామ్ క్రియేషన్స్
డైలాగ్స్ : కేవీ రాజమహి
మేకప్ : వినోద్
కాస్ట్యూమ్స్ : గణేష్
స్టిల్స్ : మని వణ్ణన్
పీఆర్వో : వంశీ శేఖర్
కో-డైరెక్టర్ : ఎస్.యమ్. ఇళయరాజా, వరప్రసాద్​ వీ
ప్రొడక్షన్ ఎగ్జిక్యూటివ్ : రవి, డీ ఉమామహేశ్వర రాజు, దావల చిన్నారావ్
పబ్లిసిటీ డిజైనర్ : చంద్రు
స్టంట్స్ : సెల్వ
ఆర్ట్ : వినోద్ రవీంద్రన్
ఎడిటింగ్ : అరూల్ ఈ సిద్ధార్థ్
ఎగ్జిక్యూటివ్ ప్రొడ్యూసర్ : అంథోని ప్రశాంత్, శివ మల్లాల
మ్యూజిక్ : జిబ్రాన్
కెమెరామెన్ : పీజీ ముత్తయ్య
ప్రొడ్యూసర్ : రామాంజనేయులు జవ్వాజి
స్టోరీ, స్క్రీన్‌ప్లే, దర్శకత్వం : అరవింద్ శ్రీనివాసన్