12-15 ఏళ్లవారికి ఫైజర్‌ టీకా సురక్షితం : బ్రిటన్‌

లండన్‌ : ఫైజర్‌, బయోఎన్‌టెక్‌ రూపొందించిన కొవిడ్‌ వ్యాక్సిన్‌ 12-15 ఏళ్ల మధ్య గల పిల్లలకు సురక్షితమేనని బ్రిటన్‌ రెగ్యులేటరీ సంస్థ ధ్రువీకరించింది. క్లినికల్‌ ట్రయల్స్‌ డేటాను పరిశీలించిన అనంతరం ఆ వయసులోని చిన్నారులపై ఇది సమర్థంగా పనిచేస్తోందని మెడిసిన్స్‌ అండ్‌ హెల్త్‌కేర్‌ ప్రొడక్ట్స్‌ రెగ్యులేటరీ ఏజెన్సీ (ఎంహెచ్‌ఆర్‌ఏ) చీఫ్‌ ఎగ్జిక్యూటివ్‌ డాక్టర్‌ జూన్‌ రైన్‌ వెల్లడించారు. వైరస్ వల్ల కలిగే ప్రమాదాలను ఈ వ్యాక్సిన్ అధిగమిస్తోందని రైన్‌ చెప్పారు. సుమారు 2వేల మందికి పైగా చిన్నారులపై క్లినికల్ ట్రయల్స్‌ను అతి జాగ్రత్తగా నిర్వహించినట్లు తెలిపారు.

ads

16-25 వయసు వారిలో కనిపించిన విధంగానే 12-15 ఏళ్ల చిన్నారుల్లోనూ యాంటీబాడీలు వృద్ధి చెందాయని చెప్పారు. అయితే, ప్రస్తుత వ్యాక్సినేషన్‌ డ్రైవ్‌లో ఈ వయసు పిల్లల గురించి వ్యాక్సినేషన్‌, ఇమ్యునైజేషన్‌పై ఏర్పాటైన జాయింట్‌ కమిటీ నిర్ణయం తీసుకుంటుందని రైన్‌ పేర్కొన్నారు.