15న ఆర్టీపీసీఆర్ టెస్ట్

చెన్నై : ఇండియన్ ప్రిమియర్ లీగ్ (ఐపీఎల్ ) వేలం కోసం చెన్నై వచ్చే ఫ్రాంచైజీలకు బీసీసీఐ కొవిడ్ గైడ్ లైన్స్ జారీ చేసింది. ఫిబ్రవరి 18న ‎ఈ వేలం జరగాల్సి ఉండగా, అంతకు 72 గంటల ముందు అంటే ఫిబ్రవరి 15న ఫ్రాంచైజీల ఓనర్లు, వారి వెంట వచ్చే వాళ్లు ఆర్టీ పీసీఆర్ టెస్ట్ చేయించుకోవాల్సి ఉంటుంది. వేలం జరిగే వేదిక దగ్గరికి వచ్చిన తర్వాత మరో టెస్ట్ చేస్తారు. ఒక్కో ఫ్రాంచైజీ నుంచి గరిష్ఠంగా 13 మందినే అనుమతిస్తారు. అందులో 8 మంది మాత్రమే టేబుల్ దగ్గర కూర్చోవాలి. వీళ్లకు క్వారంటైన్ అవసరం లేదని బీసీసీఐ స్పష్టం చేసింది. ప్రస్తుతం ఐపీఎల్ వేలం కోసం ప్లేయర్స్ రిజిస్టర్ చేసుకునే అవకాశం కల్పించారు. ఫిబ్రవరి 11 సాయంత్రం 5 గంటల వరకు రిజిస్టర్ చేసుకునే వీలుంటుంది.

వేలంలో పాల్గొనే ఐపీఎల్ ఫ్రాంచైజీలలో అత్యధికంగా కింగ్స్ పంజాబ్ దగ్గర రూ.53.2 కోట్లు ఉన్నాయి. ఇక అతి తక్కువ మొత్తంతో వేలంలోకి వెళ్తున్న ఫ్రాంచైజీలలో సన్ రైజర్స్ హైదరాబాద్, కోల్ కతా నైట్ రైడర్స్ ఉన్నాయి. వీళ్ల దగ్గర కేవలం రూ.10 కోట్లు మాత్రమే ఉన్నాయి. డిఫెండింగ్ చాంపియన్ ముండై ఇండియన్స్ కూడా రూ.15కోట్లతోనే వేలంలోకి వెళ్తోంది. ఇక రాయల్ చాలెంజర్స్ బెంగళూరు టీంలో ఎక్కువ ఖాళీలు ఉన్నాయి. ఈ మినీ వేలం కేవలం ఈ యేడాది టోర్నీ కోసం మాత్రమే. 2022 లో 9 లేదా పది టీమ్స్ పాల్గొనే అవకాశం ఉంది కాబట్టి మరోసారి పూర్తి స్థాయి వేలం నిర్వహించనున్నారు.