మొక్క నాటిన సీఎం కేసీఆర్​

హైదరాబాద్​: సీఎం కేసీఆర్​ జన్మదినం సందర్భంగా ‘గ్రీన్ ఇండియా ఛాలెంజ్’లో భాగంగా చేపట్టిన ‘కోటి వృక్షార్చన’కార్యక్రమం రాష్ట్రవ్యాప్తంగా విస్తృతంగా కొనసాగుతుంది. ఇందులో భాగంగా రాజ్యసభ సభ్యుడు సంతోష్​కుమార్​ ప్రార్థన మేరకు బుధవారం సీఎం కేసీఆర్​ స్వయంగా రుద్రాక్ష మొక్కను నాటారు. తన పుట్టిన రోజు సందర్భంగా చేపట్టిన కోటి ‘కోటి వృక్షార్చన’పట్ల సీఎం కేసీఆర్​ సంతోషం వ్యక్తం చేశారు. ఇంతటి అద్భుతమైన కార్యక్రమాన్ని చేపట్టిన రాజ్యసభ సభ్యులు జోగినపల్లి సంతోష్​కుమార్​ను అభినందించారు.