మొక్కలు నాటి వాటిని సంరక్షించాలి

హైదరాబాద్​ : మొక్కలు నాటి వాటిని సంరక్షించాలని రాష్ట్ర ఆబ్కారీ, క్రీడా, పర్యాటక, సాంస్కృతిక శాఖ మంత్రి శ్రీనివాస్ గౌడ్ అన్నారు. మంగళవారం మంత్రి తన పుట్టిన రోజు సందర్భంగా సీఎం కేసీఆర్, మంత్రికేటీఆర్​ సూచనల మేరకు గిఫ్ట్ ఏ స్మైల్, గ్రీన్ ఇండియా ఛాలెంజ్​లో భాగంగా హైదరాబాద్​లోని తన నివాసంలో మొక్కలు నాటారు. జన్మదినం సందర్భంగా ఎలాంటి హంగు ఆర్భాటం లేకుండా ఎంపీ సంతోష్​కుమార్​ పిలుపు మేరకు మొక్కలు నాటడం చాలా సంతోషంగా ఉందని మంత్రి శ్రీనివాస్​గౌడ్ పేర్కొన్నారు. సీఎం కేసీఆర్​ పుట్టినరోజు సందర్భంగా చేపట్టిన కోటి వృక్షార్చనను ఆదర్శంగా తీసుకుని తన జన్మదినం సందర్భంగా మొక్కలు నాటినట్లు మంత్రి తెలిపారు. జన్మదిన శుభాకాంక్షలు తెలియజేసిన రాజ్యసభ సభ్యులు సంతోష్​కుమార్​కు కృతజ్ఞతలు తెలిపారు. వేడుకలకు దూరంగా ఉండాలని నిర్ణయం తీసుకున్నాను. కావున ఎవరినీ కవలడం లేదని అన్యదా భావించొద్దని మంత్రి శ్రీనివాస్​గౌడ్​ సూచించారు.

ads