నమోదు గడువు పొడగింపు

హైదరాబాద్​ : ఓటు రాజ్యాంగం కల్పించిన గొప్పహక్కు అని విద్యావేత్త టీఆర్​ఎస్​ సీనియర్ నాయకుడు పీ ఎల్ శ్రీనివాస్ అన్నారు. సోమవారం జాతీయ ఓటరు దినోత్సవం సందర్భంగా ప్రజలకు, విద్యార్థులకు ఓటు హక్కుపై అవగాహన కల్పించేందుకు ఆన్​లైన్​ సదస్సు నిర్వహించారు.

‘భారత దేశం లాంటి అతిపెద్ద ప్రజాస్వామ్యం లో ఓటరుకు అత్యంత ప్రాముఖ్యత ఉంది. 18 ఏళ్లు నిండిన ప్రతి ఒక్కరూ ఓటు హక్కు పొందే అవకాశం రాజ్యాంగం కల్పించిందన్నారు. ఈ ఓటుతో శాసించగలిగే హక్కును రాజ్యాంగం ఇచ్చిందని పేర్కొన్నారు. రాబోయే ఎంఎల్​సీ ఎన్నికలకు 2017 కి ముందు డిగ్రీ పూర్తి చేసిన వారు ఓటును నమోదు చేసుకునే అవకాశం పొడగించబడినదని తెలిపారు. ఇంకా ఓటు నమోదు చేసుకొని వారు ఈ అవకాశాన్ని వినియోగించుకోవాలి’ అని టీఆర్​ఎస్​ నాయకుడు పీఎల్​ శ్రీనివాస్​ అన్నారు.

సదస్సుకు హాజరైన పార్టీ కార్యకర్తలు ఓటరు నమోదుకై జిల్లాలో ప్రజలకు అవగాహన కల్పించాలని సూచించారు. ఈ ఆన్​లైన్​ కార్యక్రమాన్ని హైదరాబాద్, రంగారెడ్డి, మహబూబ్ నగర్​లో గల డిగ్రీ, బీఈడీ, ఎంబీఏ మరియు పాఠశాలలకు చెందిన ప్రిన్సిపాళ్లు, టీచర్లు గ్రాడ్యుయేట్లు మరియు మూడు జిల్లాలకు చెందిన తెరాస పార్టీ కార్యకర్తలు హాజరయ్యారు.

ఈ క్రింద తెలుపబడిన లింక్ తో ఓటు నమోదు చేసుకోవచ్చని తెలిపారు.
https://ceotserms2.telangana.gov.in/MLC/Form18.aspx