వాణిదేవిని గెలిపించాలి

హైదరాబాద్​ : రంగారెడ్డి- హైదరాబాద్​- మహబూబ్​నగర్​ టీఆర్​ఎస్ ఎమ్మెల్సీ​ అభ్యర్థి వాణిదేవిని గెలిపించాలని హోంశాఖ మంత్రి మహ్మద్​ మహమూద్​ అలీ కోరారు. బుధవారం పబ్లిక్ గార్డెన్ లో వాకర్స్ తో కలిసి హోం మంత్రి ప్రచారం నిర్వహించారు. రాష్ట్రంలో త్వరలోనే ఉద్యోగుల సమస్యలతో పాటు ఉద్యోగ ఖాళీల భర్తీకి రాష్ట్ర ప్రభుత్వం చర్యలు చేపడుతుందని చెప్పారు. మార్నింగ్​ వాక్​కు వచ్చిన వారికి టీఆర్​ఎస్​ చేపట్టిన అభివృద్ధి ని వివరించారు. టీఆర్ఎస్​ ప్రభుత్వం హైదరాబాద్‌ను విశ్వ నగరంగా తీర్చిదిద్దేందుకు అన్ని రకాలుగా కృషి చేస్తుందన్నారు. దీనిపై ప్రతిపక్షాలు అనవసర రాద్ధాంతం చేస్తున్నాయని హోంమంత్రి మహమూద్​ అలీ విమర్శించారు. మంత్రి వెంట టీఆర్ఎస్ నాయకులు బండి రమేశ్, సీహెచ్​ ఆనంద్ కుమార్ గౌడ్, అబ్దుల్ బాసిత్ తదితరులు ఉన్నారు.

ads