5300 మంది రష్యా సైనికులు మృతి
వరంగల్ టైమ్స్, ఇంటర్నెట్ డెస్క్ : ఉక్రెయిన్ పై దాడికి వెళ్లిన రష్యాకు తీవ్ర ప్రతిఘటన ఎదురవుతోంది. ఉక్రెయిన్ చేసిన ఎదురుదాడిలో 5300 మంది రష్యా సైనికులు మృతి చెందినట్లు ఆ దేశ రక్షణశాఖ వెల్లడించింది. రష్యా, ఉక్రెయిన్ మధ్య దాడికి నేటితో 5 రోజులయ్యాయి. నేడు కీవ్ లోని రక్షణ కార్యాలయం తన ఫేస్ బుక్ లో ఓ స్టేట్మెంట్ ను పోస్టు చేసింది. తమ సైన్యం జరిపిన కాల్పుల్లో 5300 మంది రష్యా సైనికులు మృతిచెందినట్లు ఉక్రెయిన్ అధికారులు చెప్పారు.
ఆ దాడిలో రష్యాకు చెందిన 191 ట్యాంకులు, 29 ఫైటర్ విమానాలు, 29 హెలికాప్టర్లు, 816 యుద్ధ వాహనాలు ధ్వంసమైనట్లు ఉక్రెయిన్ తెల్పింది. అయితే ఈ విషయాన్ని రష్యా పూర్తిగా ధ్రువీకరించలేదు. కానీ బ్రిటన్ రక్షణ శాఖ మంత్రి మాత్రం తాజా దాడిలో రష్యాకు తీవ్ర నష్టం ఎదురైనట్లు వ్యాఖ్యానించారు. మొదటి 4 రోజుల్లోనే రష్యా తన సైన్యాన్ని భారీగా కోల్పోయినట్లు ఆయన వెల్లడించారు. ఆదివారం రష్యా సైన్యం కూడా ఓ కీలక ప్రకటన జారీ చేసిన విషయం తెలిసిందే. తమ సైన్యం చాలా నష్టపోయినట్లు ఆ ప్రకటనలో రష్యా చెప్పింది. కానీ దీనికి సంబంధించిన పూర్తి సమాచారాన్ని ఇవ్వలేదు.
