గ్రేటర్ ఎన్నికల్లో ఎవరు పోటీ చేయొచ్చు!
నిబంధనలు విడుదల చేసిన ఈసీ
రేషన్ డీలర్లకు ఓకే.. అంగన్వాడీలకు నో చాన్స్!
గ్రేటర్ ఎన్నికల్లో పోటీ చేసే అభ్యర్థుల అర్హతలను ఎన్నికల సంఘం వెలువరించింది. సంతానం సహా వివిధ క్యాటగిరీల సందేహాలను నివృత్తి చేసింది.
జూన్1, 1994కు ముందు ముగ్గురు సంతానం ఉన్నవారు అర్హులు
జూన్1, 1994కి ముందు ముగ్గురు, అనంతరం మే 31, 1995 వరకు మరో ఇద్దరు సంతానం కలిగినవారు కూడా పోటీకి అర్హులు
జూన్ 1, 1994కి ముందు ముగ్గురు, మే 31, 1995 వరకు మరొకరు, ఆ తరువాత మరొక సంతానం కలిగినవారు పోటీకి అనర్హులు
మే 31,1995నాటికి ఒక సంతానం ఉండి, అనంతరం రెండో కాన్పులో కవలలు జన్మిస్తే వారు పోటీకి
అర్హులు. కవలలు కాకుండా ఇద్దరు సంతానం కలిగితే అనర్హులు.
మే 31, 1995 తర్వాత ఒకే కాన్పులో ముగ్గురు సంతానం కలిగినవారు అర్హులు
ఒక వ్యక్తి తన మొదటి భార్యద్వారా ఇద్దరు సంతానం కలిగి, ఆమె చనిపోయిన తరువాత రెండో భార్య ద్వారా ఒక సంతానం కలిగితే అతను పోటీకి అనర్హుడు. అయితే, అతని భార్యకు ఒకే సంతానం అయినందున ఆమె పోటీ చేయవచ్చు.
అభ్యర్థికి ముగ్గురు పిల్లలు ఉన్నప్పటికీ నామినేషన్ల పరిశీలన నాటికి అందులో ఒకరు చనిపోతే అతనికి పోటీకి అర్హత లభిస్తుంది.
నామినేషన్ల పరిశీలన నాటికి ఇద్దరు పిల్లలు ఉండి గర్భవతి అయినప్పటికీ తను పోటీకి అర్హురాలే.
కేంద్ర, రాష్ట్ర ప్రభుత్వ ఉద్యోగులు పోటీకి అనర్హులు. ఒకవేళ ఉద్యోగానికి రాజీనామాచేసి, అది అధీకృత అధికారి చేత నామినేషన్ల పరిశీలన నాటికి ఆమోదించబడితేనే అర్హత ఉంటుంది.
సుప్రీంకోర్టు తీర్పు ప్రకారం రేషన్ షాపు డీలర్లు పోటీకి అర్హులు
హైకోర్టు తీర్పు ప్రకారం అంగన్వాడీ కార్యకర్తలు పోటీకి అనర్హులు
నామినేషన్తోపాటు చెక్లిస్టులోనిపత్రాలు సమర్పించని పక్షంలో పరిశీలనరోజున దాన్ని తిరస్కరిస్తారు.
ఒక అభ్యర్థికి ప్రతిపాదకుడిగా ఉన్న వ్యక్తి అదే డివిజన్ నుంచి పోటీ చేయవచ్చు.
మతిస్థిమితం లేని వారు పోటీకి అనర్హులు.ఫిర్యాదుదారు చట్ట ప్రకారం దానిని నిరూపించాలి.