తెలుసా..మనసా..ఫస్ట్ లుక్ రిలీజ్
వరంగల్ టైమ్స్, సినిమా డెస్క్: కేరింత ఫేమ్ పార్వతీశం హీరోగా జశ్విక హీరోయిన్‌గా శ్రీబాలాజీ పిక్చర్స్, బ్యాన‌ర్‌పై వైభవ్ ద‌ర్శ‌క‌త్వంలో వ‌ర్షా ముందాడ, మాధ‌వి నిర్మిస్తోన్న న్యూ ఏజ్ ప్లాటోనిక్ ల‌వ్ స్టోరి ‘తెలుసా..మనసా..’. విలేజ్ బ్యాక్‌డ్రాప్‌లో సాగే చిత్ర‌మిది. ఓ గ్రామంలో బెలూన్స్ అమ్ముకునే యువ‌కుడు (పార్వతీశం), అదే ఊర్లో ప‌ని చేసే హెల్త్ అసిస్టెంట్ సుజాత (జశ్విక)ను ప్రేమిస్తాడు. ఇద్ద‌రికీ ఒక‌రిపై ఒక‌రికి ప్రేమ ఉంటుంది కానీ ఎప్పుడూ వారిద్ద‌రూ ఆ ప్రేమ‌ను వ్య‌క్తం చేసుకోరు. మ‌ల్లి బాబు ప‌లు సంద‌ర్భాల్లో త‌న ప్రేమ‌ను సుజాత‌తో చెప్పటానికి ప్ర‌య‌త్నిస్తాడు. కానీ చెప్ప‌లేక‌పోతాడు. అయితే ఉన్న‌ట్లుడి మ‌ల్లి బాబు క‌ల‌లు కూలిపోతాయి. సుజాత‌కు దూరం కావాల్సి వ‌స్తుంది. మ‌రి వారిద్ద‌రూ క‌లుసుకున్నారా! అనేదే ‘తెలుసా..మనసా..’ సినిమా.
ప్రస్తుతం సినిమా షూటింగ్ శరవేగంగా జరుగుతుంది. బుధవారం ఈ సినిమా ఫస్ట్ లుక్‌ను స్టార్ ప్రొడ్యూసర్ దిల్ రాజు విడుద‌ల చేసి చిత్ర యూనిట్‌కి అభినందనలు తెలిపారు. ఫస్ట్ లుక్‌ను గ‌మ‌నిస్తే అందులో రోహిణి హ‌ట్టంగ‌డి మంచంపై కూర్చుని ఉంటే ఆమె ప‌క్క‌నే హీరోయిన్‌, ఓ చిన్న బాబు కూర్చుని ఉన్నారు. మంచం ప‌క్క‌నే దానికి ఆనుకుని పార్వతీశం కూర్చుని ఏదో ఆలోచిస్తూ క‌నిపిస్తున్నారు.
డెబ్యూ డైరెక్ట‌ర్ వైభవ్ ‘తెలుసా..మనసా..’ చిత్రాన్ని న్యూ ఏజ్ ల‌వ్ స్టోరిగా తెరకెక్కిస్తున్నారు. నేష‌న‌ల్ అవార్డ్ విన్నింగ్ మ్యూజిక్ డైరెక్ట‌ర్ గోపీ సుంద‌ర్ సినిమాకు సంగీత సారథ్యం వ‌హిస్తున్నారు. ప్ర‌సాద్ ఈద‌ర సినిమాటోగ్రఫీ అందిస్తోన్న ఈ చిత్రానికి పాపారావ్ ఎడిట‌ర్‌గా వ‌ర్క్ చేస్తున్నారు. త్వ‌ర‌లోనే సినిమాకు సంబంధించిన మ‌రిన్ని వివ‌రాల‌ను తెలియ‌జేస్తామ‌ని మేక‌ర్స్ తెలియ‌జేశారు.
న‌టీన‌టులు :
పార్వతీశం, జశ్విక, రోహిణి హ‌ట్టంగ‌డి, మ‌హేష్ అచంట, అలీ రెజా, లావ‌ణ్య, మాస్ట‌ర్ అద్వితేజ్‌, వెంకీ, శివ, శోభ‌న్ త‌దిత‌రులు
సాంకేతిక వ‌ర్గం :
బ్యాన‌ర్స్‌ : శ్రీ బాలాజీ పిక్చర్స్
స‌మ‌ర్ప‌ణ : నైనీష్య, సాత్విక్‌
నిర్మాత‌లు : వ‌ర్షా ముందాడ, మాధ‌వి
స్టోరి -స్క్రీన్ ప్లే-డైలాగ్స్-డైరెక్ష‌న్‌ :వైభవ్
కో ప్రొడ్యూసర్ : గిరిధ‌ర్‌
సినిమాటోగ్రఫీ : ప్ర‌సాద్ ఈద‌ర
ఎడిట‌ర్‌ : కె.ఎ.వై.పాపారావ్
మ్యూజిక్ : గోపి సుంద‌ర్ సి.ఎస్‌
పాట‌లు : వ‌న‌మాలి, కాస‌ర్ల శ్యామ్‌,శ్రేష్ట
సింగ‌ర్‌ : రాహుల్ సిప్లిగంజ్‌, శ్రీరామ‌చంద్ర, ర‌మ్య బెహ్ర, శ్రీకృష్ణ, మాళ‌విక, సుధాంశు
ప‌బ్లిసిటీ డిజైన్స్‌ : టీ.ఎస్‌.ఎస్‌.కుమార్‌
పి.ఆర్‌.ఓ : నాయుడు సురేంద్ర -ఫ‌ణి (బియాండ్ మీడియా)
