హైదరాబాద్ : ఎగ్రెసివ్ స్టార్ గోపీచంద్, మాస్ డైరెక్టర్ సంపత్ నంది కాంబినేష‌న్‌లో మాస్ గేమ్ అయిన క‌బ‌డ్డీ నేప‌థ్యంలో తెర‌కెక్కుతోన్న స్పోర్ట్స్ యాక్షన్ మూవీ ‘సీటీమార్`. భారీ బ‌డ్జెట్‌, హై టెక్నిక‌ల్ వాల్యూస్‌తో పవన్ కుమార్ స‌మ‌ర్పణ‌లో శ్రీనివాసా సిల్వర్‌ స్క్రీన్‌ పతాకం పై శ్రీనివాసా చిట్టూరి ఈ చిత్రాన్ని నిర్మిస్తున్నారు. ఈ సినిమాలో తెలంగాణ ఫీమేల్ క‌బ‌డ్డీ టీమ్ కోచ్ `జ్వాలారెడ్డి`గా న‌టిస్తున్న స్టార్ హీరోయిన్ తమన్నా పుట్టినరోజు డిసెంబ‌ర్ 21. ఈ సంద‌ర్భంగా `సీటీమార్` సెట్‌లో తమన్నా పుట్టినరోజు వేడుకలు గ్రాండ్‌గా జరిగాయి. యూనిట్ సభ్యుల నడుమ కేక్‌ కట్ చేసి బ‌ర్త్‌డేను తమన్నా సెల‌బ్రేట్ చేసుకున్నారు.
ఈ కార్య‌క్ర‌మంలో ఎగ్రెసివ్ స్టార్ గోపీచంద్, మాస్ డైరెక్టర్ సంపత్ నంది, న‌టి భూమిక, చిత్ర నిర్మాత శ్రీనివాసా చిట్టూరి, స‌మ‌ర్ప‌కులు ప‌వ‌న్‌కుమార్‌, హీరోయిన్ దిగంగ‌న సూర్య‌వంశీతో పాటు చిత్ర యూనిట్ పాల్గొని త‌మ‌న్నాకు శుభాకాంక్షలు తెలిపారు. ఇప్ప‌టికే ఈ మూవీ నుంచి విడుద‌ల‌చేసిన గోపీచంద్, త‌మ‌న్నాల లుక్స్ కు మంచి రెస్పాన్స్ వ‌చ్చింది. కాగా ఈ రోజు బర్త్డే సంద‌ర్భంగా స్టార్ హీరోయిన్ త‌మ‌న్నాస్పెష‌ల్ పోస్ట‌ర్‌ని విడుద‌ల చేసింది చిత్ర‌యూనిట్‌. ఈ పోస్ట‌ర్ కు మంచి రెస్పాన్స్ వ‌స్తోంది. మెలోడి బ్ర‌హ్మ మణిశర్మ సంగీతం అందిస్తున్న ఈ మూవీలో ప‌ల్లెటూరి అమ్మాయి గా ఒక ప్రత్యేక పాత్రలో హీరోయిన్ దిగంగ‌న న‌టిస్తుండ‌గా భూమిక కీల‌క పాత్రలో న‌టిస్తోంది. ముఖ్యమైన పాత్రల్లో పోసాని కృష్ణముర‌ళి, రావు ర‌మేష్‌, రెహ‌మాన్, బాలీవుడ్ యాక్టర్ త‌రుణ్ అరోరా న‌టిస్తున్నారు.
ఈ చిత్రానికి..
సినిమాటొగ్ర‌ఫీ : ఎస్‌. సౌందర్‌ రాజన్‌,
సంగీతం: మణిశర్మ
ఎడిట‌ర్‌ : త‌మ్మిరాజు
ఆర్ట్‌ డైరెక్టర్: సత్యనారాయణ డీ.వై
సమర్పణ : పవన్ కుమార్
నిర్మాత : శ్రీనివాసా చిట్టూరి
కథ-మాటలు-స్క్రీన్‌ప్లే- దర్శకత్వం: సంపత్ నంది.
