దుబాయ్ : ఐసీసీ టెస్టు ప్లేయర్ ర్యాంకింగ్స్లో భారత బ్యాట్స్మెన్లకు టాప్-10లో చోటు లభించింది. భారత కెప్టెన్ కోహ్లీ టెస్టు మ్యాచ్ ఆడకపోయినా ద్వితీయ స్థానానికి దూసుకువచ్చాడు. న్యూజిలాండ్ సారథి కేన్ విలియమ్సన్ ఒక ర్యాంకు కోల్పోయి మూడో స్థానానికి పడిపోయాడు. టెస్టు స్పెషలిస్ట్ పుజారా ఏడో ర్యాంకును నిలబెట్టుకోగా ఆజింక్య రహానె పదో ర్యాంకు దక్కించుకున్నాడు. అలాగే ఆస్ట్రేలియా స్టార్ ప్లేయర్ స్టీవ్ స్మిత్ 911 రేటింగ్ పాయింట్లతో బ్యాట్స్మెన్ ర్యాంకింగ్స్లో అగ్రస్థానంలో కొనసాగుతున్నాడు. టెస్టు బౌలర్ల ర్యాంకింగ్స్లో భారత సీనియర్ స్పిన్నర్ ఆశ్విన్ ఒక స్థానాన్ని మెరుగుపరుచుకొని పదో స్థానంలో నిలిచాడు. ఆసీస్ స్పీడ్స్టార్ పాట్ కమిన్స్ నంబర్వన్ బౌలర్గా కొనసాగుతున్నాడు.
