అందరూ బాగుండాలి అంటున్న అలీ

నిర్మాత‌గా మారిన అలీ, అలీవుడ్ ఎంట‌ర్ టైన్మెంట్స్ ప‌తాకం పై సినీ నిర్మాణ సంస్థ ప్రారంభంఅందరూ బాగుండాలి అంటున్న అలీ

హైదరాబాద్​: అలీవుడ్ ఎంటర్​టైన్మెంట్స్​ బ్యానర్ పై అలీ, నరేష్ ప్రధాన పాత్రల్లో శ్రీపురం కిరణ్ దర్శకత్వంలో తెరకెక్కుతున్న ‘అందరూబాగుండాలి అందులో నేనుండాలి’ చిత్రం బుధవారం అన్న‌పూర్ణ స్టూడియోస్ గ్లాస్ హౌస్ లో లాంఛనంగా ప్రారంభమైంది. ఈ కార్యక్రమంలో మంత్రి తలసాని శ్రీనివాస్ యాదవ్, ఎస్వీ కృష్ణా రెడ్డి, అచ్చి రెడ్డి, బోయపాటి శ్రీను, బాబీ, జీవిత రాజ‌శేఖ‌ర్, త‌నికెళ్ల భ‌ర‌ణి, హేమ‌ తదితరులు పాల్గొన్నారు. తొలి సన్నివేశానికి ఎస్వీ కృష్ణారెడ్డి, అచ్చిరెడ్డి క్లాప్ కొట్టగా ఎస్.గోపాల్ రెడ్డి కెమెరా స్విచ్ఛాన్​ ఆన్ చేశారు. ద‌ర్శ‌కులు బోయపాటి శ్రీను, బాబీ గౌరవ దర్శకత్వం వహించారు. ‘అలీతో నాకు మంచి సంబంధం ఉంది. అందరూబాగుండాలి అందులోనేనుండాలి చిత్ర ప్రారంభోత్సవ కార్యక్రమానికి రావడం సంతోషంగా ఉంది. మంచి కాన్సెప్ట్ ఉన్న సినిమాలో అలీ, నరేష్ కలిసి నటిస్తుండడం ఆనందంగా ఉంది. భవిషత్తులో అలీ మరిన్ని మంచి సినిమాల్లో నటించాలని కోరుకుంటున్నట్లు’తెలిపారు మంత్రి తలసాని శ్రీనివాస్​యాదవ్.​ ‘దర్శకుడు కిరణ్, నేను చెన్నై లో రూమ్ మేట్స్, మలయాళం లో జరిగిన ఒక వాస్తవ సంఘటనల ఆధారంగా ఈ సినిమా తీస్తున్నాము. మ‌ళ‌యాలం బ్లాక్ బ‌స్ట‌ర్ మూవీ వికృతి సినిమాకు రీమేక్ ఇది. ఈ కథ నచ్చి వెంటనే నరేశ్​కు ఈ సినిమా చూడమని చెప్పాను. ఆయనకు ఈ మూవీ బాగా నచ్చి ఈ సినిమా చేస్తున్నాను అన్నారు. పవిత్ర లోకేష్ ఈ సినిమాలో మంచి పాత్రలో నటిస్తున్నారు. సాయి కుమార్ బ్రదర్ రవిశంకర్ ఈ సినిమాలో ఒక పాత్ర చేస్తున్నారు. రాకేష్ మ్యూజిక్ భాస్కరభట్ల సాహిత్యం ఇలా అందరూ పెద్ద టెక్నీషియన్స్ ఈ సినిమాకు వర్క్ చేస్తున్నారు’అని హీరో అలీ తెలిపారు. ‘అలీ సినిమా చేస్తున్నాడంటే సినిమాకు ఒక బ్రాండ్ వస్తుంది. తను నేను కలసి ఎన్నో అద్భుతమైన చిత్రాల్లో నటించాము. ‘అందరూబాగుండాలి అందులోనేనుండాలి’మంచి కాన్సెప్ట్ తో వస్తోన్న సినిమా అలీ ఈ సినిమాను నిర్మిస్తూ నటిస్తున్నాడు. దర్శకుడు శ్రీపురం కిరణ్ మంచి మార్పులు చేసి బెస్ట్ స్క్రిప్ట్ ను రెడీ చేసుకున్నాడు. ఒక మంచి సినిమాలో భాగమైనందుకు సంతోషంగా ఉంది’ అని హీరో నరేశ్​ అన్నారు.‘అలీ స్థాపించిన అలీవుడ్ బ్యానర్ లో నేను డైరెక్ట్ చేయడం సంతోషంగా ఉంది. నరేష్ మా సినిమా చేయడానికి ఒప్పుకోవడంతో సినిమాకు మరింత క్రేజ్ వచ్చింది. ఈ రోజు నుంచి చిత్ర షూటింగ్ స్టార్ట్ చేయబోతున్నాము. అందరూ బాగుండాలి అందులో నేనుండాలి సినిమా ప్రేక్షకుల్ని తప్పకుండా అలరిస్తుందని నమ్ముతున్నాను అన్నారు’ డైరెక్టర్​ శ్రీపురం కిరణ్​.‘అలీ అంటే అంద‌రికీ అభిమాన‌మే, అలానే ఇందులో మ‌రో కీల‌క పాత్ర చేస్తున్న న‌రేశ్ తో క‌లిసి న‌టిస్తుండ‌టం చాలా ఆనందంగా ఉంది. చాలా మంది ప్ర‌తిభావంత‌మైన‌, ఎక్స్ పీరియ‌న్స్ ఉన్న ఆర్టిస్టులు, టెక్నీషియ‌న్ల‌తో క‌లిసి ప‌ని చేసే అవ‌కాశం రావ‌డం నా అదృష్టంగా భావిస్తున్న ఈ సినిమా క‌చ్ఛింత‌గా ప్రేక్ష‌కుల్ని ఆక్ట‌ట్టుకుంటుంద‌ని ఆశిస్తున్నాను అన్నారు’ హీరోయిన్​ మౌర్యానీ.

తారాగాణం:

డాక్ట‌ర్ అలీ, డాక్ట‌ర్ విజ‌యకృష్ణ న‌రేశ్, మౌర్యానీ, ప‌విత్ర లోకేశ్

టెక్నీషియ‌న్లు

బ్యాన‌ర్ – అలీవుడ్ ఎంట‌ర్ టైన్మెంట్స్
నిర్మాత‌లు – అలీబాబ‌, కొనతాల మోహ‌న‌కుమార్
డిఓపి – ఎస్. ముర‌ళి మోహ‌న్ రెడ్డి
సంగీతం – రాకేశ్ ప‌ళిడ‌మ్
పాటలు – భాస్క‌ర‌భ‌ట్ల ర‌వికుమార్
ఎడిట‌ర్ – సెల్వ‌కుమార్
ప్రొడ‌క్ష‌న్ డిజైన‌ర్ – ఇర్ఫాన్
ఆర్ట్ డైరెక్ట‌ర్ – కేవీ ర‌మ‌ణ‌
మేక‌ప్ చీఫ్ – గంగాధ‌ర్
ర‌చన, ద‌ర్శ‌క‌త్వం – శ్రీపురం కిర‌ణ్