ఉమెన్స్ డే వేడుకల్లో పాల్గొన్న ఎమ్మెల్యే చల్లా
వరంగల్ టైమ్స్, హనుమకొండ జిల్లా : అంతర్జాతీయ మహిళా దినోత్సవం పురస్కరించుకొని దామెర మండల కేంద్రంలోని రైతువేదిక భవనంలో ఏర్పాటు చేసిన మహిళా దినోత్సవ వేడుకల్లో స్థానిక ఎమ్మెల్యే చల్లా ధర్మారెడ్డి ముఖ్య అతిధిగా పాల్గొన్నారు.
ఈ వేడుకలను పురస్కరించుకుని దామెర మండలంలోని మహిళా ప్రజాప్రతినిధులను, అంగన్వాడీ టీచర్లను, ఆశా మరియు ఐకేపీ మహిళా అధికారులను శాలువాలతో ఎమ్మెల్యే చల్లా ధర్మారెడ్డి సన్మానించారు. అనంతరం వారికి గిఫ్ట్ లు ఇచ్చారు. ఈ సందర్భంగా మహిళామనులందరికి ఎమ్మెల్యే చల్లా ధర్మారెడ్డి మహిళా దినోత్సవ శుభాకాంక్షలు తెలిపారు.
