శ్రీశైల మల్లన్నను దర్శించుకున్న మంత్రి కొండా సురేఖ
వరంగల్ టైమ్స్, శ్రీశైలం: ద్వాదశ జ్యోతిర్లింగాలలో ఒకటైన పవిత్ర శ్రీశైలం మహాక్షేత్రంలో కొలువై ఉన్న శ్రీ భ్రమరాంబ సమేత శ్రీ మల్లికార్జున స్వామి వారిని రాష్ట్ర మంత్రి శ్రీమతి కొండా సురేఖ బుధవారం ఉదయం దర్శించుకున్నారు. ముందుగా ఆలయ ప్రధాన ద్వారం వద్ద దేవస్థానం అధికారులు, వేదపండితులు ఆమెకు సంప్రదాయబద్ధంగా స్వాగతం పలికారు. అనంతరం స్వామివారికి ప్రత్యేక అభిషేకాలు, అర్చనలు, పూజలు నిర్వహించారు. ఈ సందర్భంగా వేద మంత్రోచ్చారణల మధ్య మంత్రి గారు స్వామివారి ఆశీస్సులు పొందారు. దర్శనం అనంతరం మంత్రి రాష్ట్ర ప్రజల సుఖసంతోషాలు, ఆయురారోగ్యాలు, శాంతి, అభివృద్ధి, సమృద్ధి కోసం ప్రత్యేక ప్రార్థనలు చేశారు. రాష్ట్రం అన్ని రంగాల్లో మరింత అభివృద్ధి సాధించాలని, ప్రజల జీవన ప్రమాణాలు మెరుగుపడాలని స్వామివారిని వేడుకున్నారు. ఈ కార్యక్రమంలో ఆలయ అధికారులు, అర్చకులు మరియు ఇతర భక్తులు పాల్గొన్నారు.
