ఢిల్లీ : కేంద్ర ప్రభుత్వంతో చర్చలకు అంగీకరించినప్పటికీ ఈ నెల 8న భారత్ బంద్ కొనసాగిస్తామని రైతు సంఘాలు స్పష్టం చేశాయి. కేంద్రం తీసుకొచ్చిన నూతన వ్యవసాయ చట్టాలకు వ్యతిరేకంగా ఢిల్లీలో రైతులు తమ ఉద్యమాన్ని ఉధృతం చేస్తున్న విషయం తెలిసిందే. అయితే అటు కేంద ప్రభుత్వం ఇటు రైతులు వెనక్కి తగ్గడం లేదు. ఈ క్రమంలో ఢిల్లీలో ఉద్యమాన్ని మరింత ముందుకు తీసుకుపోయి తమ డిమాండ్లను నెరవేర్చుకునేందుకు ముందుకుపోతున్నారు. శనివారం కూడా రైతులతో జరిపిన చర్చలు అసంపూర్తిగానే ముగిశాయి. కాగా డిసెంబర్9న మరోసారి చర్చలకు ఆహ్వానించగా రైతులు అంగీకరించినట్లు సమచారం. అయినప్పటికీ 8న నిర్వహించనున్న భారత్బంద్ కొనసాగుతుందని రైతు సంఘాలు తెలిపాయి.
