11న సైబర్ నేరాల నిరోధంపై స్టూడెంట్స్ కి శిక్షణ
వరంగల్ టైమ్స్, హైదరాబాద్ : మహిళా భద్రతా విభాగం, తెలంగాణ రాష్ట్రం సైబర్ అవేర్ నెస్ ఇనిషియేటివ్ సైబర్ లో భాగంగా రాష్ట్రంలోని 9424 మంది విద్యార్థులు, ఉపాధ్యాయులకు శిక్షణ ఇవ్వనున్నది. ఈ కార్యక్రమంలో సైబర్ నేరాల నివారణపై అవగాహన, ఆన్‌లైన్‌ సేఫిటీ పొందేందుకై ఆరునెలల పాటు ప్రత్యేక శిక్షణను నివ్వనుంది. జాతీయ యువజన దినోత్సవాన్ని పురస్కరించుకొని 2381 ప్రభుత్వ పాఠశాలలకు చెందిన 9424 మంది పిల్లలు, టీచర్లకు C.A.P(సైబర్ అవగాహన వేదిక) పేరుతో ఇస్తున్న 6 నెలల సుదీర్ఘ శిక్షణ కార్యక్రమం ఇది.
ఈ కార్యక్రమాన్ని బుధవారం నాడు ఉదయం రవీంద్ర భారతీలో రాష్ట్ర మంత్రులు మహమూద్ అలీ, సబితా ఇంద్ర రెడ్డి, డీజీపీ అంజనీ కుమార్ లు ప్రారంభించనున్నారు. పాఠశాల విద్యా శాఖ, మహిళా భద్రత విభాగంచే సంయుక్తంగా నిర్వహించే ఈ ప్రారంభోత్సవ కార్యక్రమం బుధవారం జనవరి 11న ఉదయం 11.00 గంటల నుండి మధ్యాహ్నం 12.00 గంటల వరకు జరుగుతుంది. తెలంగాణ రాష్ట్ర డీజీపీ, రాష్ట్ర పోలీసు , విద్య , బీసీ , ఎస్సీ, ఎస్టీ మరియు మైనారిటీ సంక్షేమ శాఖల ఉన్నతాధికారులు, టీఎస్ షీ టీంలతో పాటు వివిధ ప్రభుత్వ పాఠశాలల నుండి పాఠశాల విద్యార్థులు మరియు వివిధ కళాశాలల నుండి సేఫ్టీ క్లబ్ వాలంటీర్లు ఈ కార్యక్రమంలో పాల్గొంటారు.
