వరంగల్ అర్బన్ జిల్లా : మామునూర్ పోలీస్ స్టేషన్ పరిధిలోని నక్కలపెల్లి గ్రామంలో విషాదం చోటుచేసుకుంది. శుక్రవారం ఓ ప్రేమ జంట వ్యవసాయ బావిలో దూకి ఆత్మహత్య చేసుకుంది. సమాచారం అందుకున్న పోలీసులు సంఘటనా స్థలానికి చేరుకున్నారు. మున్సిపల్ విపత్తు నిర్వహణ బృందం బావిలో గాలించి మృతదేహాలను వెలికి తీసింది. మృతులు సాయికుమార్, అశ్వినిగా గుర్తించారు. కేసు నమోదు చేసి దర్యాప్తు చేపడుతున్నట్లు పోలీసులు తెలిపారు. మృతుల పూర్తి వివరాలు తెలియాల్సి ఉంది.
