ప్రధాని మోదీని కలిసిన సత్యనాదెళ్ళ
వరంగల్ టైమ్స్, న్యూఢిల్లీ : మైక్రోసాఫ్ట్ సీఈఓ సత్య నాదెళ్ల భారత ప్రధాని నరేంద్ర మోడీని కలిశారు. డిజిటలైజేషన్ ద్వారా సుస్థిరమైన, సమ్మిళిత ఆర్థిక వృద్ధిని సాకారం చేసుకునే విషయంలో ప్రభుత్వానికి ఉన్న దూరదృష్టి స్ఫూర్తిదాయకంగా ఉందని సత్యనాదెళ్ల అన్నారు. భారత్ తన డిజిటల్ ఇండియా విజన్ను సాకారం చేసుకుని ప్రపంచానికి ఓ దివిటీలా మారడంలో సహాయం చేసేందుకు మేము సిద్ధంగా ఉన్నాము” అని సత్య నాదెళ్ల ట్వీట్ చేశారు. లోతైన అవగాహనతో జరిగిన ఈ సమావేశానికి కారణమైన ప్రధాని నరేంద్ర మోడీకి సత్యనాదెళ్ల ధన్యవాదాలు తెలిపారు.
