శాస్త్రోక్తంగా ఆంజనేయస్వామి విగ్రహ ప్రతిష్ట
ప్రత్యేక పూజలు నిర్వహించిన ప్రభుత్వ విప్ చెవిరెడ్డి
తిరుపతి: తిరుపతి రూరల్ మండలం తనపల్లి రోడ్డుకు సమీపంలో ఉన్న వినాయక నగర్ లో శ్రీ ఆంజనేయస్వామి విగ్రహ ప్రతిష్టను శుక్రవారం అత్యంత శాస్త్రోక్తంగా నిర్వహించారు. ముఖ్య అతిథిగా హాజరైన ప్రభుత్వ విప్, తుడా చైర్మన్, చంద్రగిరి ఎమ్మెల్యే డాక్టర్ చెవిరెడ్డి భాస్కర్ రెడ్డి ప్రత్యేక పూజలు నిర్వహించారు. అనంతరం గంగాభవాని అమ్మవారి ఆలయం ప్రారంభోత్సవ వేడుకలో పాల్గొన్నారు. అంతకుముందు ఆలయ అర్చకులు చెవిరెడ్డి కి ఘనంగా స్వాగతం పలికారు. ఈ సందర్భంగా ఎమ్మెల్యే చెవిరెడ్డికి ప్రజలు తమకు రహదారి సమస్య పరిష్కరించాలని కోరారు. వెంటనే స్పందించిన ఎమ్మెల్యే అధికారులకు రహదారి అంచనా తయారు చేయాలని సూచించారు. ఏదైనా సమస్య ఉంటే తన దృష్టికి తీసుకురావాలని చెప్పారు. ఈ వేడుకల్లో ప్రజలు పెద్ద సంఖ్యలో పాల్గొనడంతో పండుగ వాతావరణం నెలకొంది. ఈ కార్యక్రమంలో తిరుచానూరు మార్కెట్ యార్డ్ చైర్మన్ శ్రీ విద్య గణపతి నాయుడు, వైఎస్సార్సీపీ నాయకులు జనార్ధన్ యాదవ్, నరసింహా రెడ్డి, మునిరత్నం, ఇస్మాయిల్, కిరణ్, కృష్ణ, నాయకులు పాల్గొన్నారు.
