గుంటూరు జిల్లా : వార్డు సచివాలయ నిబంధనలకు విరుద్ధంగా తెనాలి కార్యాలయంలో పుట్టినరోజు వేడుకలు నిర్వహించిన వార్డు రెవెన్యూ సెక్రటరీని జిల్లా కలెక్టర్కు సరెండర్ చేస్తూ మున్సిపల్ కమిషనర్ ఉత్తర్వులు జారీ చేశారు. అలాగే ఈ వేడుకలో ప్రత్యక్షంగా పాల్గొన్న మరో ఆరుగురు వార్డు వలంటీర్లు విధుల నుంచి తొలగిస్తున్నట్లు ఉత్తర్వుల్లో పేర్కొన్నారు. పట్టణంలోని ఐదో వార్డు సచివాలయంలో రెవెన్యూ సెక్రటరీ గా పనిచేస్తున్న స్రవంతి జన్మదిన వేడుకలను గత నెల 19న సచివాలయంలో నిర్వహించారు. ఈ సందర్భంగా తీసిన వీడియో సోషల్ మీడియాలో వైరల్ కావడంతో విచారణ చేపట్టాల్సిందిగా జాయింట్ కలెక్టర్ మున్సిపల్ కమిషనర్ను ఆదేశించారు. దీనిపై విచారణ జరిపిన కమిషనర్ స్రవంతిని జిల్లా కలెక్టర్కు సరెండర్ చేశారు. అలాగే వార్డు వలంటీర్లు రత్నకుమారి, ఎస్ అలేఖ్య ,ప్రభు కుమార్, ఎస్ కే రెహ మున్నీసా, లావణ్య, టీ లీలా హరీష్ లను విధుల నుంచి తొలగిస్తున్నట్లు ఉత్తర్వుల్లో పేర్కొన్నారు.
