హైదరాబాద్: గ్రేటర్ ఎన్నికల లెక్కింపునకు అధికారులు అన్ని ఏర్పాట్లు పూర్తిచేశారు. మొత్తం 150 డివిజన్లకు ఓట్ల లెక్కింపు కోసం 30 ప్రాంతాల్లో కౌంటింగ్ కేంద్రాలను సిద్ధం చేసినట్లు తెలిపారు. ప్రతి సర్కిల్ పరిధిలో వార్డులను బట్టి 150 హాళ్లలో ఒక్కో హాల్కు 14 టేబుళ్లను ఏర్పాటు చేశారు. ప్రతి టేబుల్కు ఒక కౌంటింగ్ సూపర్వైజర్, ఇద్దరు అసిస్టెంట్లను నియమించారు. ముందుగా పోస్టల్ బ్యాలెట్ ఓట్లను లెక్కించనున్నట్లు తెలిపారు. అభ్యర్థులు ఒక్కో టేబుల్కు ఒక ఏజెంట్ను నియమించుకోవచ్చని పేర్కొన్నారు. ఎన్నికల పరిశీలకుడి తుది నిర్ణయం తర్వాతే ఫలితాలు ప్రకటిస్తామని తెలిపారు. అన్ని కౌంటింగ్హాళ్లలో సీసీటీవీ వీడియోగ్రఫీ కెమెరాలను ఏర్పాటు చేసినట్లు తెలిపారు. లెక్కింపునకు పూర్తి పోలీసు బందోబస్తును ఏర్పాటు చేశామని పేర్కొన్నారు. కౌంటింగ్లో పాసులు లేనివారికి అనుమతి లేదన్నారు.
