ఆ పరీక్షల ఫీజు చెల్లింపుకు తత్కాల్ స్కీం
వరంగల్ టైమ్స్, ఎడ్యుకేషన్ డెస్క్ : మే లేదా జూన్ నెలలో నిర్వహించనున్న ఓపెన్ ఎస్సెస్సీ, ఇంటర్ పరీక్షా ఫీజు చెల్లించేందుకు తెలంగాణ ఓపెన్ స్కూల్ సొసైటీ (టీఓఎస్ఎస్) శనివారం తత్కాల్ స్కీంను ప్రకటించింది. 2021-2022 విద్యా సంవత్సరంలో తెలంగాణ ఓపెన్ స్కూల్ కోర్సులో ఎస్సెస్సీ, ఇంటర్మీడియట్ అడ్మిషన్లు పొందిన అభ్యర్థులు, అంతకు ముందు ఫెయిలైన అభ్యర్థులు, పరీక్షలకు హాజరయ్యేందుకు అర్హులైనప్పటికీ పరీక్ష రుసుం సకాలంలో చెల్లించలేని అభ్యర్థులు ఇప్పుడు మే 1 నుంచి 7 వరకు చెల్లించవచ్చు.
తత్కాల్ స్కీం కింద సాధారణ ఫీజుకు అదనంగా ఎస్సెస్సీకి రూ. 500, ఇంటర్మీడియట్ కు రూ. 1000 చెల్లించాల్సి ఉంటుంది. మరిన్ని వివరాల కోసం అభ్యర్థులు తమ సంబంధిత స్టడీ సెంటర్ కో ఆర్డినేటర్ ను సంప్రదించవచ్చు.
