హైదరాబాద్: హీరో రానా నేడు తన 36 వ జన్మదినం జరుపుకుంటున్న విషయం తెలిసిందే. కాగా రానా పుట్టిన రోజు సందర్భంగా విరాటపర్వం నుంచి రానా పోస్టర్తోపాటు ఫస్ట్ గ్లింప్స్ వీడియోను విడుదల చేశారు మేకర్స్. డైరెక్టర్ వేణు ఊడుగుల , నిర్మాత సుధాకర్ చెరుకూరి ఇతర సినిమా యూనిట్ సభ్యులంతా రానాకు బొకేలు అందించారు. కేక్ కట్ చేయించి విషెస్ చెప్పారు. ఈ సందర్భంగా రానా వారికి ధన్యవాదాలు తెలిపారు. 1990లో జరిగిన యదార్థ సంఘటనల ఆధారంగా చిత్రీకరిస్తున్న విరాటపర్వం సినిమాలో రానా కామ్రేడ్ రవిశంకర్ అలియాస్ రవన్న గెటప్లో సరికొత్తగా ప్రేక్షలముందుకు వస్తున్నాడు. ఎస్.ఎల్.వి సినిమాస్ పతాకంపై సుధాకర్ చెరుకూరి ఈ చిత్రాన్ని నిర్మిస్తున్నారు. సురేష్ బొబ్బలి మ్యూజిక్ అందిస్తున్నారు. నివేదా పెతురాజ్, ప్రియమణి, నందితాదాస్, నవీన్చంద్ర వహాబ్, ఈశ్వరీరావ్, సాయిచంద్, బెనర్జీ కీలకపాత్రల్లో నటిస్తున్నారు. రానా ,సాయిపల్లవి కాంబోలో వస్తున్న ఈ సినిమాపై ప్రేక్షకుల్లో భారీ అంచనాలు ఉన్నాయి.
