యాదాద్రిలో భక్తుల కిటకిట
వరంగల్ టైమ్స్, డెవోషనల్ డెస్క్ : యాదగిరిగుట్ట లక్ష్మీనరసింహస్వామి ఆలయం ఆదివారం భక్తులతో కిటకిటలాడింది. వరుస సెలవులు రావడంతో స్వామివారిని దర్శించుకునేందుకు పెద్ద సంఖ్యలో తరలివచ్చారు. దీంతో దేవాలయ ప్రాంగణం, మాడవీధులు, ప్రసాద విక్రయశాల, పుష్కరిణి ప్రాంతాలు భక్తులతో నిండిపోయాయి. క్యూలైన్లు, క్యూ కాంప్లెక్స్ కిక్కిరిసాయి.
ధర్మ దర్శనానికి 4 గంటలు, వీఐపీ దర్శనానికి 3 గంటల సమయం పట్టిందని భక్తులు తెల్పారు. 44వేల మంది భక్తులు స్వామి వారిని దర్శించుకోగా, ఖజానాకు రూ.64,50,178 ఆదాయం సమకూరిందని ఆలయ ఈవో గీత చెప్పారు.
