ఇక ఎనుమాముల అగ్రి మార్కెట్ లో రూ.5 కే భోజనం
వరంగల్ టైమ్స్, వరంగల్ జిల్లా : వరంగల్ ఎనుమాముల మార్కేట్ లోని పత్తి యార్డులో రూ. 5 భోజనం అందించే అన్నపూర్ణ క్యాంటీన్ ను టీఆర్ఎస్ వరంగల్ జిల్లా అధ్యక్షుడు, వర్ధన్నపేట ఎమ్మెల్యే అరూరి రమేష్ మంగళవారం ప్రారంభించారు.
ఈ కార్యక్రమంలో చాంబర్ ఆఫ్ కామర్స్ అధ్యక్షుడు రవీందర్ రెడ్డి, మార్కెట్ చైర్మన్ దిడ్డి భాగ్యలక్ష్మి, మార్కెటింగ్ శాఖ అధికారులు, టీఆర్ఎస్ ప్రజాప్రతినిధులు, కార్యకర్తలు , రైతులు తదితరులు పాల్గొన్నారు. అంతకు ముందు యార్డు నందు (సీటీవీఐయూ ) మిరప నాణ్యత తనిఖీ యూనిట్ ఆధ్వర్యంలో మిరప నాణ్యతను పరీక్షించారు. మార్కెట్ లోని అపరాల యార్డులో చిల్లీస్ టెస్టింగ్ యూనిట్ ను ఎమ్మెల్యే అరూరి రమేష్ ప్రారంభించారు.
