తొలి రోజ ముగిసిన ఆట భారత్ 357/6
వరంగల్ టైమ్స్, స్పోర్ట్స్ డెస్క్ : భారత్ , శ్రీలంక జట్ల మధ్య జరుగుతన్న తొలి టెస్టు మొదటి రోజు ఆట ముగిసింది. ఆట ముగిసే సమయానికి భారత జట్టు 6 వికెట్లు కోల్పోయి 357 పరుగులు చేసింది. భారత ఆటగాళ్లలో ఓపెనర్లు మయాంక్ అగర్వాల్ ( 33 ), రోహిత్ శర్మ ( 29 )తమకు దక్కిన ఆరంభాలను భారీ స్కోర్లుగా మలచలేకపోయారు. ఆ తర్వాత వచ్చిన విహారి ( 58 ), విరాట్ కోహ్లీ ( 45 ) ఇన్నింగ్స్ ను నిలబెట్టారు. కానీ స్వల్ప వ్యవధిలోనే వీరిద్దరూ పెవిలియన్ చేరడంతో అభిమానుల్లో ఆందోళన కల్గింది. ముఖ్యంగా వందో టెస్టు ఆడుతున్న కోహ్లీ హాఫ్ సెంచరీ కూడా చేయకుండా పెవిలియన్ చేరడం వారికి నిరాశ కల్గించింది.
ఆ తర్వాత శ్రేయాస్ అయ్యర్ ( 27 ) స్వల్ప స్కోరుకే ఓటమి చెందారు. కానీ రిషభ్ పంత్ ( 96 ) జట్టును ఆదుకున్నాడు. జడేజా ( 45 నాటౌట్ ) తో కలిసి 5వ వికెట్ కు సెంచరీ భాగస్వామ్యం నెలకొల్పాడు. వ్యక్తిగత సెంచరీకి 4 పరుగుల దూరంలో ఔటయ్యాడు. దీంతో క్రీజులోకి వచ్చిన అశ్విన్ ( 10 నాటౌట్ ) కూడా మంచి ఆటతీరు కనబరుస్తున్నారు. ఈ క్రమంలో రెండో రోజు వీరిద్దరి ఆటే కీలకం కానుంది. లంక బౌలర్లలో లసిత్ ఎంబుల్డెనియా 2 వికెట్లు తీయగా సురంగ లక్మల్, విశ్వ ఫెర్నాండో, లాహిరు కుమార, ధనుంజయ డిసిల్వా ఒక్కొక్క వికెట్ తీశారు.
