స్విస్ ఓపెన్ టైటిల్ విన్నర్ పీవీ సింధు
వరంగల్ టైమ్స్ , స్పోర్ట్స్ డెస్క్ : భారత స్టార్ షట్లర్ పీవీ సింధు స్విస్ ఓపెన్ టైటిల్ చేజిక్కించుకుంది. బీడబ్ల్యూఎఫ్ వరల్డ్ టూర్ -300 టోర్నీ మహిళల సింగిల్స్ ఫైనల్లో ఆదివారం ప్రపంచ ఏడో ర్యాంకర్ సింధు 21 -16, 21 -8 తో బుసానన్ (థాయ్ లాండ్ ) పై సక్సెస్ సాధించింది. 49 నిమిషాల్లో ముగిసిన ఫైనల్ ఫైట్ లో సింధు పూర్తి ఆధిపత్యం కనబరుస్తూ వరుస ఆటల్లో ప్రత్యర్థిని చిత్తు చేసింది. బుసానన్ తో తలపడ్డ 17 మ్యాచుల్లో సింధుకు ఇది 16వ విక్టరీ కావడం విశేషం.
ఈ సంవంత్సరం ప్రారంభంలో సయ్యద్ మోదీ ఇంటర్నేషనల్ టోర్నీలో విజేతగా నిలిచిన సింధుకు తాజా సీజన్ లో ఇది రెండో టైటిల్ , పురుషుల సింగిల్స్ లో మంచి ఆటతీరుతో ఫైనల్ కు చేరిన హెచ్ఎస్ ప్రణయ్ తుది మెట్టుపై తడబడి రన్నరప్ తో సరిపెట్టుకున్నాడు. ఆఖరి పోరులో ప్రణయ్ 12 -21, 18 -21తో నాలుగో సీడ్ జొనాథన్ క్రిస్టీ ( ఇండోనేషియా ) చేతిలో ఓటమి పాలయ్యాడు.
